كشفت الفنانة زينة عن سبب ابتعادها خلال الفترة الماضية عن التمثيل قبل أن تعود بمسلسل الليلة واللي فيها الذي عرض على منصة شاهد.
وقالت: “أنا سعيدة جدا بالمسلسل، وكنت حاسة إن في سكاكين محطوطة على رقبتي بالعمل ده، يا إما أندبح بيها يا إما ربنا ينقذني من الشر اللي حواليا وينصرني، والحمد لله ربنا مافرحش حد فيا”.
ولففت زينة إلى أن أحد الأشخاص تدخل لمنعها من التمثيل على مدار 5 سنوات ماضية بطريقة غير مباشرة.
وتابعت: “ممكن يمنعوا حد يشتغل بإنهم يتكاثروا عليه، وبطريقة غير مباشرة من غير كلام، في ناس مؤذية”
وواصلت: “أنا قعدت 5 سنين حد قافل علي الشغل في مكان معين، وماكنتش فاهمة في إيه، مع إني ست مصرية ومن حقي أشتغل وأنا أولى من أي حد، وبعض الناس قالوا إني عايزة أربي ولادي ومش عايزة أشتغل، طيب أربيهم إزاي؟ أنا مش فاتحة فرن في البيت”.
واختتمت: “من أكثر الحاجات اللي بتتقال عني إني بتأخر، وعادي ممكن تتأخر، وده مش بيضيع مني المسلسل لكن أنا من الكلام الكتير بانسحب لأني مش عايزة دوشة، وعايزة أعيش في سلام وأعمل شغلي كويس وأنجح”.
تابعنا
