بالفيديو..أورتيجا ينفي خلافه مع أوكا ويعلق: “كل واحد لواحده”

صرح مطرب المهرجانات أورتيجا، عن انفصاله فنياً عن صديقه أوكا، زوج الفنانة مي الكساب.

كما أكد أورتيجا، عن عدم صحة الأخبار المتداولة حول وجود خلافات بينه وبين أوكا، وقال بفيديو نشره عبر صفحته الشخصية على موقع التواصل الاجتماعي “إنستغرام”: “كل الناس اللي بتبعت وتسأل إحنا ليه ما بنغنيش مع بعض، ليه متخانقين، ليه ضاربين بعض، طبعا مفيش أي حاجة من الكلام دا خالص، أنا هوضحلكم الصورة”.

وفي السياق ذاته، تابع: “أوكا أخويا وعشرة حياتي وصديق كفاح، وشفنا كل حاجة وحشة وحلوة مع بعضنا، مش هنيجي على أخر الزمن نتخانق ونمسك في بعضنا زي ما الناس بتقول”.

وأوضح: “كل القصة أن أوكا بقى لوحده، أورتيجا بقى لوحده، أنا بتمنى له التوفيق في حياته، وبتمنى لنفسي التوفيق وربنا يرزقنا إحنا الأتنين، ويكرمنا وياريت الخبر ما يزعلش حد، وربنا يكرمنا ونكسر الدنيا”.

https://www.instagram.com/tv/CChL_dNjI7x/?utm_source=ig_embed

يذكر أن آخر أغنية جمعت بين أوكا وأورتيجا هي “إمتى”، وشاركهما الغناء المطرب الشعبي أحمد شيبة، وهي من كلمات وتوزيع أوكا، وألحان أسامة طارق، وإخراج ميا المهدي.

تابعنا