متابعة ـ يارا إبراهيم :
بعد إعلان شيرين عبد الوهاب عودتها مجدداً لعصمة حسام حبيب، ومع تزايد التعليقات السلبية تجاهها، أطلقت النجمة سمية الخشاب عدة تغريدات حول “العلاقات السامة والمؤذية” وخطورة تصرفات بعض النساء باسم الحب على “كرامة المرأة”، ونصحت الجميع بعدم الاهتمام بمشكلة شخص هو نفسه لا يهتم بمصلحته.
حيث كتبت سمية الخشاب عبر حسابها بموقع تويتر يوم أمس السبت، قائلة: “بعد كده يا حبايبي منتعاطفش مع حد الا لما نتأكد انه هو نفسه متعاطف مع نفسه عشان منحرقش كتير علي الفاضي”.
وتابعت سمية: “الواحد لما بيركز فشغله وحياته وشكله بيوصل لمرحله ملكيه مبيبقاش فعلا محتاج لحد، الا لو هو بلا هويه ولازم يكون تابع لحد عشان يعرف يعيش”.
كما غرَّدَت قائلة: “أي علاقه تمنها كرامة الإنسان تغور فستين داهية، العالم فيه ٦ مليار والله، ٨ مليار بس في ٢ مليار أشباه بني ادمين مش محسوبين علينا”.
هذا وقد وجَْهَت سمية الخشاب نصيحة للبنات قائلة: “المهم يا بنات ويا ستات ارجوكم حاولوا علي قد ما تقدروا تبقوا good representation واعرفوا قيمه نفسكم واعرفوا أنكم مش محتاجين أي حد في الدنيا، ده بالعكس هما اللي محتاجيننا أكتر”.
وواصلت قائلة: “لا للتعلق، لا للتعلق بالناس السامه، لا للتعلق بالناس المؤذية، اتعلقوا بالحب الوحيد والكبير رب الكون اللي عمره ماهيتخلي عنكم وعمره ماهيأذيكم ومن عبده مفيش حاجه اسمها حب، وفروا مشاعركم لنفسكم، انتوا محتاجينها أكتر”.
وجدير بالذكر أنَّ سمية قدمت الدعم لشيرين عبد الوهاب فور إيداعها مصحة علاج الإدمان، ونشرت صورة لهما عبر صفحتها الرسمية على موقع الفيس بوك وعلقت عليها قائلة: “حبيبتي شيرين، ربنا يقويكي، حاسة بيكي وعارفه انتي بتمري بايه اكتر من اي حد، ربنا يقومك بالسلامة عشان اللي مريتي به في السنين الأخيرة مفيش بني ادم يقدر يستحمله، طيبه القلب ساعات بتبقي ابتلاء أكتر من أنها نعمه”.
تابعنا
