إلهام شاهين تعيد موضوع تبرعها بأعضائها بعد وفاتها

كشفت الفنانة إلهام شاهين أنها ستتبرع بأعضائها بعد وفاتها، مشيرة إلى أنها وثقت تبرعها في الشهر العقاري، وبلغت كل أقاربها وإخوتها بذلك.

وقالت إلهام: وثقت في الشهر العقاري أني متبرعة بأعضائي، ومبلغة إخواتي، وأنا أول واحدة ناديت بذلك وقبلي نادى بهذا الموضوع دكتور خالد منتصر، والأعضاء دي هتموت معانا يعني هتخلص، ليه محدش يستفيد بيها؟ ترحمه من الآلام والعذاب، تخليه يعيش الفترة اللي هيعيشها بدون ألم”.

وأضافت: “الأكيد إن ربنا مش ممكن يحرم شيء إنساني يرحم البشر من الألم، لا يمكن أصدق، في أشياء العقل والمنطق نفكر بيها، إيه اللي هيضر الإسلام بعد ما يموت إن تتاخد الأجزاء دي، أنا خلاص مت هعمل بيهم إيه؟ أي شيء إنساني يساعد الآخرين لازم يكون حلال، وأنا سألت أكثر من شيخ أكدوا أن الموضوع حلال”.

واختتمت: “وعلى من يعترض على مناظرة من يقول بالحلال لكي نعرف الحقيقة، والدولة أقرت قانون التبرع بالأعضاء من زمان لكن على الدولة تفعيل ذلك القانون”.