ملحن أغنية بحبك: «واضح أنو الخناقة كبيرة بين حلا شيحة وزوجها وكلامها مش إعلان لتوبتها»

متابعة _ هبة بدور:

رد المطرب والملحن محمد سراج على الفنانة حلا شيحة بعد بوست طويل تتبرأ فيه من فيلم “مش أنا” للنجم تامر حسني.

وكتب ملحن أغنية بحبك: “أستاذة حلا إحساسك إيه دلوقتي ومحدش مصدقك، وطبعا عارفة محدش مصدقك ليه ؟؟ كان أكرملك تتبرأي وتتوبي من الفيلم بينك وبين ربنا بس واضح إن الخناقة بينك وبين جوزك كانت كبيرة وده بيأكد إن البوست مش إعلان توبتك إلى الله على قد ما هو بيصالحك على جوزك بين قوسين جوزك متجوزكيش وفاكرك مدرسة دراسات واتفاجئ بعد كده”.

وتابع: “إنتي غريبة ومتناقضة جدا الفيلم بقاله 3 أسابيع بنفس المشاهد اللي حضرتك صورتيها بإرادتك بين قوسين أصلا مشاهد مش أوفر ده مش عشانك عشان دي طبيعة تامر في أفلامه وكليباته مفيش مشاهد أوفر بين قوسين برضه اللي واخدة أجرك عليها”.