الفنان المصري محمد صلاح يدخل المستشفى بعد إصابته بكورونا

أعلن الفنان محمد صلاح عن إصابته بفيروس كورونا المستجد، ودخوله مستشفى صدر العباسية في العاصمة المصرية.

وكتب صلاح عبر صفحته الشخصية بموقع التواصل الاجتماعي “فيسبوك”: “بكتبلكم وأنا على سريري في مستشفى صدر العباسية وبعد عمل أشعة مقطعية على الصدر اللي أكدت إني أصيبت بالوباء اللعين وقالولي اتأخرت ليه”.

وأضاف: “يمكن تكون آخر كلمات ليا في الدنيا دي .. اترددت كتير بس لقيت نفسي مش قادر وبكتب .. لأني حسيت إحساس غريب حسيت إني مش خايف من الموت .. أنا خايف إني اموت قبل  ماشوف النجاح .. استغربت وقولت لنفسي أنت مش خايف من الموت ؟؟؟ قولت والله لا .. أنا خايف أموت قبل ماشوف نجاحي .. بلدنا بقى الحلم فيها .. إنك بس تشتغل .. أنت بس بتحاول طول الوقت إنك تشتغل .. وتخبط على البيبان وكل البيبان بتتقفل في وشك”.

وتابع: “شباب في أول عمرهم وشباب بقوا رجال ورجال أصبحوا كهول وبنات وسيدات موهوبين خريجين المعاهد والكليات الفنية وماوقفوش أمام كاميرا.. واللي هاجر واللي اكتأب واللي انتحر.. أجمل مافي الوجود الحلم والطموح وأقبح ما في الوجود عدم تحقيق الحلم أو الطموح ده”.