ولاد الأصول .. من يقصد أحمد فلوكس؟

شارك الفنان المصري أحمد فلوكس جمهوره صورة له من خلال حسابه الشخصي على موقع التواصل الإجتماعى لتبادل الصور والفيديوهات “إنستغرام”

.

وكان أحمد فلوكس فى احدي صالات الجيم .

 

و علق علي الصورة قائلاً :

ولاد الأصول

نتكلم شوية عن ولاد الأصول اللي مبقناش بنقابلهم في حياتنا كتير ..

بتعرف ابن الأصول ازاي ؟؟

أنا أقولك .. ابن الأصول:

* عمره ما ينكر فضل حد بعد فضل ربنا عليه أو ينساه ..

* بيفضل باقي على العشرة لحد آخر لحظة وبيعمل كل اللي عليه وزيادة ..

* مبيردش الأذي بالأذي ..

* وقت الشدة لو احتجته لازم هتلاقيه ويمكن من غير ما تطلب كمان هتلاقيه قدامك ..

* بيساعد الكل من غير اي مصلحه تعود عليه ..

* ابن الأصول كرامته عنده رقم 1 ومستحيل هيقبل اي إهانة .. ونفسه عزيزة عليه فوق ما خيالك ممكن يوديك ..

* ابن الأصول بيعرف يعتذر .. لو غلطان مش بيستكبر .. يقول انا آسف وغلطت فعلًا وغلطه مبيكرروش ..

* ابن الأصول كلمته واحدة , لما يقولك هعمل صدقه ..

* ابن الأصول ضميره من جواه ييتحكم فيه ومبيسلمش ودانه لحد ..

* ابن الأصول صاحب صاحبه جدا .. مستحيل يبيع صاحبه علشان مصلحته ..

* ابن الأصول حد جدع بالفطرة.. الطيبة ملازماه ..

* ابن الأصول ملوش في اللت والعجن وكتر الكلام ..

 

* ابن الأصول بيعرف يعاتب مرة واتنين وثلاثة علشان مش من طبعه انه يفرط في حد بسهولة .. بس لما بيفرط ربنا ما يوريك عمرك ما هتعرف ترجعه تاني ..

 

* ابن الأصول ملوش في الحوارات بيقولك في وشك اللي هو عايزه .. وأيه اللي ينفع وأيه اللي مينفعش .. اللف والدوران مش سكته ..

 

* ابن الأصول عزيز وله بدل العزيز عزيز واتنين .. مش زي غيره مالوش غالي ..

 

* ابن الأصول لو اتظلم عمره ما يظلم .. بيسيب ربنا يجيبله حقه ..

 

* ابن الأصول يصفي بسرعه لو لقاك شاري .. وينسي بسرعة لو لقاك بايع ..

 

* ابن الأصول يحب الخير لغيره حتي لو مش هيطول من الخير دة حاجة .. ويفرحلك من قلبه بجد ..

 

* ابن الأصول عينه شبعانه عمره ما يبص في رزق غيره ولا يبص في حياة غيره ..

 

* ابن الأصول بيقدر ويحترم أبسط واقل حاجة حلوة بتعملها معاه ..

 

* ابن الأصول مبيعرفش يخون ولا يجرح ولا يستغل فرص ولا يستغل حد ..

 

* ابن الأصول صاحب الكل ..

 

* ابن الأصول ميعديش عليه واجب .. ويديلك حقك من غير ما تطلبه ..

 

* ابن الأصول يديلك اللي محتاجة عادي جدا .. ويطلع من جيبه لحد اخر قرش معاه .. مبيفكرش في نفسه وبس .. طبعه وأصله الكرم ..

 

* ابن الأصول مهما كان ناجح أو عنده كتير .. أخلاقه غلباه .. ميعرفش يتغر علي خلق الله ..

 

* ابن الأصول مستحيل يعايرك باللي عمله معاك في يوم .. بيسيبك لوحدك تعرف الفرق بينه وبين غيره ..

 

* ابن الأصول جواه رحمة وعدل .. ودايما بيحط نفسه مكان غيره ..

 

* ابن الأصول مش المشهور أو اللي بيلبس برندات .. ولا اللي معاه فلوس .. ولا اللي راكب عربيات وساكن في أحلي الأماكن .. ولا.

 

الجدير بالذكر أن أحمد فلوكس قام في الفترة الأخيرة بتأسيس شركة له تعمل في عدة مجالات منها الإنتاج والسوشيال ميديا والعقارات والتوريدات وينشر بشكل مستمر صورا وفيديوهات له عبر السوشيال ميديا، خلال مباشرته لهذه الأعمال وسط اتخاذ الإجراءات الاحترازية بشكل كبير في شركته.

https://www.instagram.com/p/CCNCCz9B61p/?utm_source=ig_embed&utm_campaign=loading