انضم الفنان أحمد زاهر لحملة دعم المخرج محمد سامي بعد الهجوم الذي تعرض له من قبل بعض زملائه من الوسط الفني في أعقاب قرار إيقافه.
وعبر حسابه على فيسبوك، نشر أحمد زاهر صورة تجمعه بمحمد سامي، وعلق عليها: “أنا مش ضد قرار المتحده لأن أكيد ده له أسباب و في سبيلها للحل باذن الله أنا ضد حمله التشويه البشعه لسمعه و شخص محمد سامي اللي بيقوم بيها بعض الزملاء وبعض اللجان الالكترونية أنا ضد تشويه سمعه أي حد مش بس محمد سامي”.
وأكمل زاهر “الراجل ده أنا اعرفه من ١١ سنه و اشتغلت معاه أكتر من خمس أعمال مشوفتش منه غير كل خير و احترام و تقدير للموهبه و بقولها و هاقولها
طول عمري محمد سامي هو اللي غير حياتي بعد اراده ربنا سبحانه و تعالى ولن أنسى له هذا الفضل هو اللي خلاني اخس ١٠٠ كيلو عشان تمسك بيا في مسلسل حكايه حياه و ده الدور اللي غير حياتي و تتوالي بعده كم نجاحات و كلها معاه و اخرها فتحي في البرنس و دي كانت نقطه تحول تانيه في حياتي”.
واختتم زاهر “تفتكروا اللي شفت منه كل الخير والاحترام والتقدير والموهبه و النجاح ده كله مكنش جنبه وادعمه انا مفيش في ايدي حاجه اعملها غير اني اقول شهاده حق يعلمها الله سبحانه و تعالي وعاوز بس افكركوا ان محمد سامي هو نفس المخرج اللي سقفتوا له كل السنين اللي فاتت و من منا بلا خطيئه”.