كشف المطرب إيهاب توفيق، الكثير من التفاصيل خلال استضافته ببرنامج “شيخ الحارة والجريئة” الذي تقدمه المخرجة إيناس الدغيدي، على قناة القاهرة والناس.
وقال: “كنت في مرة مستني صديقي حمدي صديق، الملحن عشان نسمع ألحان ونقعد قعدة شغل، وعادة حمدي بيجي يطلع وهو من أصحابي المقربين ويطلع يستناني في أي حتة في البيت وبلغت أفراد الأمن تحت البيت أن حمدي الملحن جاي”.
وأضاف توفيق: “دخلت استحم وطالع ألبس هدومي لقيت حد بيفتح باب الأوضة وداخل، وقلت له إنت مين يا ابني ولما سألت الأمن مين ده افتكروه حمدي صديق”.
وتابع: “طلع واحد جاي بالصدفة يعرض أغاني وعايز يوصلهم لي وراح الأمن مطلعينه وفجأة الراجل لقى نفسه فى الأوضة بتاعتي ووضحت له الموقف وانصرف”.