شكران مرتجى توجه رسالة معايدة لفيروز

حرصت الفنانة شكران مرتجى على معايدة الفنانة فيروز بمناسبة عيد ميلادها الـ85، حيث نشرت شكران عبر حسابها الرسمي على موقع الإنستغرام صورةً لفيروز وعلقت عليها قائلةً: فيروز كل عام وأنتي بخير غني ليعم السلام العالم ..زهرة المدائن ذبلت وشآم آه ياشآم أنتي المجد لم ولن يغبِ ومن قلبنا جميعاً سلام لبيروت.

وتابعت قائلةً: بدي خبرك أكيد بتعرفي إنه كل السيارات مش عم تمشي غلي البنزين
وماعاد ألتقينا من عشية لأنه في كورونا
وعليا ماعادوا عيونها حلوين من كتر البكي ع اللي راحو، وكيف بدنا نحب قد البحر وبحورنا ملوثة… وماعاد عنا ثقة بحدا ولا حدا بيسأل التاني كيفك أنت؟؟؟؟ ولا عاد في قهوة عالمفرق فتحوا أتوسترادات…. ويارا قصولها جدايلها…. وكلنا عم نهوى بلا أمل ورجعت الشتوية ومافي مازوت ولساتنا عم ندور ع شادي؟؟؟؟ هدهدينا لننام لأنه نطرونا كتير بس وحدك بتبقي متل زهر البيلسان
بحبك صباح ومسا وبلا ولا شي.

يذكر أن الفنانة شكران مرتجى شاركت مؤخراً في مسلسل شارع شيكاغو الذي عرض خلال الفترة الماضية، كما انضمت مؤخراً لأسرة مسلسل حارة القبة من تأليف أسامة كوكش وإخراج رشا شربتجي، ومسلسل الكندوش من تأليف حسام تحسين بيك وإخراج سمير حسين.