هيفاء وهبي تحتفل بانتهاء تصوير “أسود فاتح”

نشرت الفنانة هيفاء وهبي صورة جمعتها بالفنان صبري فواز من كواليس تصوير مسلسلها الجديد أسود فاتح، معلنة فيه انتهاء فريق عمل المسلسل من تصوير آخر مشاهدها، وذلك عبر حسابها على انستقرام، وعَلّقت على الصورة قائلة: «إنسان راقٍ وممثل رهيب!.. انبسطت كتير بالتمثيل معك أستاذ صبري فواز… بحبك كثير على عكس قصتنا بالمسلسل».

كما نشرت أيضاً هيفاء فيديو من كواليس آخر أيام تصوير المسلسل وشكرت فيه صناع المسلسل جميعاً، قائلة: المخرج كريم العدل…ما في كلام بيوفيك حقك !انا مبسوطة وفخورة اننا اشتغلنا مع بعض ، واني كنت تحت اشرافك الاحترافي! ما بنساك ابدا وانت بقلبي.

هالمسلسل عرفني على شخص صار مهم بحياتي ولأول مرة بتصير معي وبتتحول تجربة عمل لعشرة وارتباط قوي ألذ وأشطر وأهضم وأطيب مخرج شفته بحياتي! عشنا 7 شهور مع بعض، بلشنا كفريق عمل مصري، سوري، لبناني وما حدا فينا بيعرف التاني وخلصنا تصوير ونحنا عيلة كبيرة متعلقة ببعض بطريقة دافية وسحرية!. وأضافت هيفا: «يمكن لأنه الوقت الصعب والحلو الي قطعنا فيه كان فيه كل شي، تعبنا سوا واكلنا سوا وجعنا سوا وضحكنا سوا ونعسنا سوا بردنا كتير سوا وشوبنا كتير سوا! كل الناس تعبت واجتهدت، كلهم محترمين ومحترفين لدرجة مش عادية، اتعرفت على ممثلين رائعين صعب الواحد ينسى المواقف معهم ، قديه الواحد فعلا بيكون فايته كتير لما هيك ناس ما يكونوا بحياته!». وأشارت: «إذا بدي أحكي بدي أكتب كتير لأعبر قديه أنا متأثرة إني اتعرفت عليكم وانه انتهت الأيام الي كنت شوفكم فيها كل يوم انا محظوظة اني مرقت بهالتجربة معكم».

واختتمت منشورها: « شكراً أستاذ صادق الصباح على ثقتك واحتواءك وطيبة أخلاقك.

شكراً.. انور الصباح لكرمك وتفهمك.

شكراً.. هيثم حسني لانك رائع ومبدع واتحملت كتير والاهم دلع الاسبريسو..

شكراً.. كرو التصوير على تعبكم وسهركم.

بودي رح اشتاق لما كانوا بندهولك على صوت عالي بوووودييي..

شكراً.. يا نانسي يا صديقة قلبي من جوا..

شكراً.. امين جمال اسود فاتح قصة حقيقية بتحكي الواقع من خيالك الخلاق الي عرفني على.. رانيا.. بطلة قصتك!

شكراً.. كرو الإضاءة على صبركم وتحملكم..

شكراً.. لمهندس الصوت كريم الي من دونك ما الو معنى الحوار..

شكراً لفريق الديكور والراكورات والحوار وهندسة الصوت.

شكراً لاخواتي ساندرا وعليا ومومو وناسا وطبش وبطة وجريس ونبيل ونسمة ومايك!

شكر كبير لفريق الانتاج عالاهتمام والكرم وخصوصا استاذ علي حسن الي دلعني احلا دلع

شكراً لكل فنجان قهوة انعملي من القلب من احلا بوفيه ؛ لكل شخص كوالي قميص واهتم وتعب معنا!

شكراً عالتفاصيل، عالصبر وعالتشجيع.. شكراً سوريا ومصر ولبنان. شكراً.. لكم جميعاً وللكلام تكملة… كريم العدل برجع بقلك انت غالي.. وبالتوفيق لنا جميعاً.. رح اشتقلكن كتير، فركش، أسود فاتح».

تابعنا