كشفت الفنانة وفاء عامر، في تصريحات تلفزيونية لأحد البرامج، حقيقة ما تردد حول طلبها الطلاق ن زوجها المنتج محم فوزي، مؤكدة أنها لن تطلب الطلاق منه مهما فعل، قائلة: “أنا عمري ما هطلب الطلاق، لو عمل إيه، له حاجات كتير أوي تشفعله في قلبي”.
وأضافت: “لو خاني هبقى أنا السبب، أكيد أنا هبقى السبب، وأنا الحمد لله جوزي مش خاين، أنا جوزي لأ، محمد لا يمكن يخوني”.
وردا على سؤال “أنت شايفة إن لو الراجل خان الست تبقى هي السبب؟”، قالت: “هي الست بتاخد موبايل جوزها وتقعد تفتش ليه؟ ليه يعني؟ ربنا قال (يَا أَيُّهَا الَّذِينَ آمَنُواْ لاَ تَسْأَلُواْ عَنْ أَشْيَاء إِن تُبْدَ لَكُمْ تَسُؤْكُمْ)، وبعدين لما تواجهيه هيقولك إن كان عاجبك”.
وأوضحت أن المرأة المطلقة في مصر حالياً لم تعد مظلومة، خاصة في ظل وجود المجلس القومي للمرأة، مؤكدة أنها “واخدة حقها”.