تحدثت الفنانة اللبنانية مايا دياب، عن العديد من الأمور الحياتية التي تعرضت لها لأول مرة، متابعة: “في الفترة الأخيرة اتعلمت أحكي لأختي إحساسي تجاه أي شخص ، وبطلب منها تفكرني بالانطباعات دي اللي غالبا بتكون صح، وأنا ضد الربط بين التخطيط لأي حاجة وبين بداية الأسبوع أو الشهر، اللي عايز يعمل حاجة يعملها فورا، مجرد ما بفكر في حاجة بنفذها”.
وأوضحت: “أول مشروب في يومي قهوة تركي، وأول حد بكلمه هي بنتي وأقولها أن لولاها مكنتش هعيش، وفي حب بيعلق في حياة الإنسان بس مش شرط يكون الأول، السن والنضج بيكبروا القدرة على استيعاب الناس وده بيخلينا نكتشف تفاصيل علاقة الحب الأول”.
وأشارت مايا: “البدايات دائماً حلوة لأن الطبيعة البشرية تبذل مجهوداً لإظهار الأفضل لكن الوقت هو العامل الوحيد لإظهار حقيقة الأمور على كافة الأصعدة، و أحكم على الرحلة كاملة، وأول مشهد ليا كان في مسلسل “كلام نسوان” وطلب مني أبكي وكنت خايفة من المشهد، وأول عمل ليا كان ديو مع رامي عياش أغنية “سوا” ومن هنا اتعرفت للناس، ومتخيلتش إني هعيش وباء زي كورونا، حاجة بنعيشها لأول مرة، وتعلمت أشياء كثيرة وموقفتش شغلي ودايما ببص للأمور بإيجابية”.