شفت مي كريم زوجة الفنان خالد الصاوي عن إصابتها بفايروس كورونا المستجد حيث صرحت في مداخلات هاتفية قائلةً: إن كورونا وباء عالمي ولن يصيبنا إلا ما كُتب لنا، وهي زي ما بيقولوا المصريين جمعية ودايرة، أنا مش عارفة جالي منين وكل المهرجانات الناس كانت ملتزمة جداً، ولكن أحنا بننزل شغل كل يوم.
وتابعت قائلةً: أنا بشتغل في مجال الإعلانات والأسبوع اللي فات اشتغلت يومين ورا بعض وحسيت بكحة وقولت إنها إنفلونزا أو دور برد عادي، وقعدت أسبوع وعملت تحليل وطلع لسلبي.
وأكملت مي قائلةً: لكن اللي عرفته بعد كده إن المسحة بتكون نسبة دقتها من 60 إلى 70% وعملنا مجموعة تحاليل ولقينا الأمور مش متظبطة.
وأضافت: المفروض الواحد كل فترة يحلل مجموعة تحاليل علشان يتطمن على نفسه، ومن الممكن ألا تظهر كفيروس لذلك لا يكتفون بمسحة واحدة ولكن بيعملوا مسحة تانية بعد أسبوع،
وأشارت: خالد الصاوي ما كانش متواجد في البيت كان بيصور في الإسكندرية وأنا بطمن كل الناس عليه وطبعا مش هيخش البيت، وفى حالة تكافل غير طبيعية وسط الأزمات حاجة خاصة في الشعب المصري دائما بتذهلني.
وكانت قد أعلنت مي عن إصابتها بفيروس كورونا مؤخراً عبر حسابها الرسمي على موقع فيس بوك، وكتبت: “أنا كورونا وبالبشاميل كمان، حاجة كده انزيمات كبد على تجلطات في برتينات الدم، ما شاء الله”.